Yearly moonsign Horoscope

Sagittarius

2020-03-25 to 2021-04-12

ధనుస్సు

రాశి వారికి ఆదాయం–8, వ్యయం–11, రాజపూజ్యం–6, అవమానం–3గా ఉంటుంది.

ఇక వీరికి మార్చి 29 నుంచి జూన్‌ 29 వరకు ద్వితీయంలో గురుడు శుభుడు. అనంతరం జూన్‌ 30 నుంచి నవంబర్‌ 20 వరకు జన్మరాశి సంచారం. తదుపరి తిరిగి ద్వితీయంలో సంచారం. ద్వితీయ రాశి సంచారంలో గురుడు శుభ ఫలితాలు ఇస్తాడు. జన్మరాశిలో సంచార సమయంలో మానసిక ఆందోళన, తరచూ శారీరక రుగ్మతలు వంటి బాధలు కలిగించవచ్చు.

ఇక, శని సంవత్సరమంతా ద్వితీయ స్థానంలో సంచారం, ఏలినాటి శని చివరి భాగంలో ఉన్నందున కాస్త ఉపశమనం లభిస్తుంది. రాహు, కేతువులు సెప్టెంబర్‌ 23 వరకు సప్తమ, జన్మరాశుల్లో సంచారం. తదుపరి షష్ఠమ, వ్యయస్థానాలలో సంచారం. వీరి స్థితి కూడా అంతగా అనుకూలం కాదు.

మొత్తం మీద వీరికి శుభాశుభ మిశ్రమంగా ఉంటుంది. గురుడు ఒక్కడే వీరికి అనుకూలమని చెప్పాలి.

ఆర్థికంగా ప్రధమార్థంలోనూ, చివరిలోనూ విశేషంగా కలసివస్తుంది. దీర్ఘకాలిక రుణ బాధల నుంచి కాస్త ఉపశమనం లభిస్తుంది. అలాగే, జ్ఞాతుల నుంచి కొంత సొమ్ము అందుతుంది.

కార్యక్రమం చేపట్టినా కొంత శ్రమానంతరం పూర్తి కాగల సూచనలు.

బంధువులు, మిత్రులతో విభేదాలు నెలకొన్నా సర్దుబాటు వైఖరి అనుసరిస్తారు.

స్థిరాస్తుల విషయంలో నెలకొన్న ఇబ్బందులు ద్వితీయార్థంలో తొలగే సూచనలు.

వివాహాది శుభకార్యాల నిర్వహణకు డబ్బు వెచ్చిస్తారు.

ఇంటి నిర్మాణాలు, కొనుగోలు ప్రయత్నాలు కొంతమేర కలసివస్తాయి.

జీవిత భాగస్వామితో కొంత విభేదాలు నెలకొంటాయి.

కాంట్రాక్టర్లకు ప్రథమార్థం విశేష లాభదాయకంగా ఉంటుంది.

విద్యార్థులు కోరుకున్న అవకాశాలు కొంత శ్రమానంతరం దక్కించుకునే చాన్స్‌.

నిరుద్యోగులకు ప్రథమార్థంలో శుభవార్తలు అందుతాయి.

వ్యాపారస్తులకు లాభనష్టాలు సమానంగా ఉంటాయి. కొత్త పెట్టుబడులు, భాగస్వాములు సమకూర్చుకుంటారు.

ఉద్యోగస్తులకు అనుకున్న పదోన్నతులు రావచ్చు.

పారిశ్రామికవేత్తలు, పరిశోధకులకు కొంత అనుకూల సమయమని చెప్పవచ్చు.

కళాకారులకు ద్వితీయార్థం చివరిలో మరింత రాణిస్తుంది.

న్యాయవాదులు, క్రీడాకారులు, వైద్యులకు శుభదాయకంగా గడుస్తుంది. అయితే మధ్యలో కొంత ఒత్తిడులు ఎదురవుతాయి.

రాజకీయవేత్తలకు కొన్ని అవాంతరాలు ఎదురైనా నెట్టుకొస్తారు.

వ్యవసాయదారులకు రెండు పంటలు అనుకూలిస్తాయి.

వీరు శనీశ్వరునికి, రాహు, కేతువులకు పరిహారాలు చేయించుకుంటే మంచిది. అలాగే, గాయత్రీ ధ్యానం ఉపకరిస్తుంది.

ఇక వైశాఖం, ఆషాఢం, మార్గశిరం, పుష్య మాసాల్లో విశేష లాభదాయకంగా ఉంటుంది. మిగతావి సామాన్యంగా కొనసాగుతాయి.

అదృష్ట సంఖ్య–3.

1. మేష రాశి –(అశ్వని, భరణి, కృత్తిక 1 వ పాదం)
2. వృషభ రాశి –(కృత్తిక 2,3,4పాదాలు, రోహిణి , మృగశిర 1,2పాదాలు)
3. మిథున రాశి- (మృగశిర 3,4పాదాలు, ఆరుద్ర, పునర్వసు 1,2,3పాదాలు)
4. కర్కాటక రాశి –(పునర్వసు4వ పాదం, పుష్యమి, ఆశ్లేష)
5. సింహ రాశి –(మఖ, పుబ్బ, ఉత్తర 1వపాదం)
6. కన్య రాశి –(ఉత్తర 2,3,4పాదాలు, హస్త, చిత్త 1,2పాదాలు)
7. తుల రాశి –(చిత్త 3,4పాదాలు, స్వాతి, విశాఖ 1,2,3పాదాలు)
8. వృశ్చిక రాశి –(విశాఖ 4వ పాదం, అనురాధ, జ్యేష్ఠ)
9. ధను రాశి –(మూల, పూర్వాషాఢ, ఉత్తరాషాఢ 1వ పాదం)
10. మకర రాశి- (ఉత్తరాషాఢ 2,3,4పాదాలు, శ్రవణ, ధనిష్ఠ 1,2పాదాలు)
11. కుంభ రాశి –(ధనిష్ఠ 3,4పాదాలు, శతభిష, పూర్వాభాద్ర 1,2,3పాదాలు)
12. మీన రాశి- (పూర్వాభాద్ర 4వ పాదం , ఉత్తరాభాద్ర, రేవతి)

Download our Mobile App

To stay connected with us, download our mobile Apps..

  • Download
  • Download