మేషం
గతం కంటే మరింత ఓర్పు, నేర్పుతో వ్యవహరించడం ఉత్తమం.
బంధుగణం మీపై కొన్ని అభాండాలు మోపే వీలుంది, అప్రమత్తత అవసరం.
ఆదాయానికి కూడా వెతుకులాట తప్పకపోవచ్చు.
ముఖ్య కార్యక్రమాలను పూర్తి చేయడంలోనూ శ్రమించాల్సిన పరిస్థితి.
ఇతరులకు సలహాలు ఇవ్వడంలో జాగ్రత్తలు పాటించండి.
కుటుంబంలోనే వ్యతిరేకత పెరుగుతుంది.
ఉద్యోగార్ధులకు అవకాశాలు అంతగా సంతృప్తినీయవు.
ఆరోగ్యంపై ప్రధానంగా శ్రద్ధ వహించడం మంచిది.
కీలక నిర్ణయాలలోనూ మార్పులు చేసుకుంటారు.
ప్రముఖుల సహాయం కోరినా వారు అంతగా స్పందించరు.
మీరు ఎంతో అపురూపంగా చూసుకునే కొన్ని వస్తువులు చేజారవచ్చు.
వాహనాలు నడిపే వారు జాగ్రత్తలు పాటించాలి.
వృత్తులు, వ్యాపారాలలో మరింత బాధ్యతగా వ్యవహరించాలి.
రాజకీయవేత్తలు, క్రీడాకారులు, సాంకేతిక నిపుణులకు మరింతగా ఇబ్బందులు రావచ్చు.
కోర్టు వ్యవహారాలు కొలిక్కి వచ్చినట్టే వచ్చి మళ్లీ మొదటికి వస్తుంది.
16,17 తేదీలలో శుభవర్తమానాలు, ధనలబ్ధి. ప్రముఖుల పరిచయం.